ԵՐԵՎԱՆ, ՀՈՒԼԻՍԻ 16, 24News
Հուլիսի 16-ին ՀՀ ոստիկանության պետ, ոստիկանության գնդապետ Վահե Ղազարյանի հրամաններով մի շարք կադրային փոփոխություններ են տեղի ունեցել ոստիկանության տարածքային բաժիններում, այս մասին հայտնում է Shamshyan.com-ը։
ՀՀ ոստիկանապետի հրամանով Արամ Ղարիբյանն ազատվել է Գյումրի քաղաքի ոստիկանության Մուշի բաժնի պետի պաշտոնից և ՀՀ ոստիկանապետի մեկ այլ հրամանով նշանակվել Գյումրի քաղաքի ոստիկանության Կումայրիի բաժնի պետ։
Վ. Ղազարյանի մեկ այլ հրամանով Արթուր Հակոբյանն ազատվել է Կումայրիի բաժնի պետի պաշտոնից և նշանակվել ոստիկանության Մուշի բաժնի պետ։
Վ. Ղազարյանի մեկ այլ հրամանով ոստիկանության Արթիկի բաժնի պետ Մինո Մխիթարյանն ազատվել է զբաղեցրած պաշտոնից և ուղարկվել կադրերի ռեզերվ, իսկ Հ. Մանուկյանն ազատվել է ոստիկանության Ախուրյանի բաժնի պետի օպերգծով տեղակալի պաշտոնից և նշանակվել ոստիկանության Արթիկի բաժնի պետ։
Վ. Ղազարյանի մեկ այլ հրամանով ոստիկանության Ամասիայի բաժնի պետ Արթուր Բդոյանն ազատվել է զբաղեցրած պաշտոնից և նշանակվել ոստիկանության Ախուրյանի բաժնի պետ։
Վ. Ղազարյանի մեկ այլ հրամանով Դավիթ Ասքանազյանն ազատվել է ոստիկանության Անիի բաժնի պետի պաշտոնից և նշանակվել ոստիկանության Ամասիայի բաժնի պետ։
ՀՀ ոստիկանապետի մեկ այլ հրամանով ոստիկանության Կապանի բաժնի պետ է նշանակվել Սենիկ Երանոսյանը, իսկ Ավետ Հովհաննիսյանը Վ. Ղազարյանի հրամանով նշանակվել է ոստիկանության Սիսիանի բաժնի պետ։
Վ. Ղազարյանի մեկ այլ հրամանով Կարեն Թադևոսյանն ազատվել է ոստիկանության Գորիսի բաժնի պետի պաշտոնից, նրա փոխարեն ՀՀ ոստիկանապետի հրամանով Գորիսի ոստիկանության բաժնի պետ է նշանակվել Սերգո Մարկոսյանը, ով Վ. Ղազարյանի մեկ այլ հրամանով ազատվել է ոստիկանության Հրազդանի բաժնի պետի օպերգծով տեղակալի պաշտոնից։
ՀՀ ոստիկանապետի մեկ այլ հրամանով Մխիթար Մանուչարյանն ազատվել է ոստիկանության Քաջարանի բաժանմունքի պետի պաշտոնից և նրա փոխարեն նշանակվել է Կարեն Հովսեփյանը։
--0--ԿԿ