ԵՐԵՎԱՆ, ՀՈՒԼԻՍԻ 1, 24News
Երեկ 525 նոր դեպք ենք ունեցել։ Սա նշանակում է, որ այս վիճակագրության բերումով առաջիկայում անխուսափելիորեն ունենալու ենք տասը մահ: Այս մասին ճեպազրույցում ասաց ՀՀ վարչապետ Նիկոլ Փաշինյանը:
«Իհարկե կորոնավիրուսով հիվանդացած քաղաքացիների մեծ մասը հիմնականում առողջանում է, բայց մեզանից յուրաքանչյուրը պետք է հասկանա, որ ինքն այս թվի մեջ դրական վիճակագրություն լրացնելով ինչ որ մեկին դատապարտում է մահվան: Մեզանից յուրաքանչյուրն այդ մահվան վիճակարգրությունը կարող է նվազեցնել, ինքը չվարակվելով և ուրիշին չվարակելով», - ասաց Փաշինյանը:
Փաշինյանը նշեց, որ կորոնավիրուսով վարակված 19 հազար ակտիվ հիվանդ կա, որոնցից 2106-ը հիվանդանոցային պայմաններում է գտնվում, նրանցից 536-ի վիճակը գնահատվում է ծանր, 117 -ինը՝ առանձնապես ծանր, 1730 հիվանդի մոտ արձանագրվել է թոքաբորբ, երեկ մահվան 10 նոր դեպք է արձանագրվել, մահերի ընդհանուր թիվը կազմում է 453։
--0--ԿԿ