ԵՐԵՎԱՆ, ՀՈւՆԻՍԻ 30, 24News
ԲՀԿ-ական պատգամավոր Նաիրա Զոհրաբյանը ֆեյսբուքյան էջում «Հաղորդում՝ հանցագործության մասին» վերնագրով գրառում է արել՝ տեղեկացնելով, որ սոցցանցում տեսանյութ է շրջանառվում, որի վերնագրում իր անունն է, սակայն, տեսանյութի հետ ինքը կապ չունի:
«Հենց նոր ես գրավոր հաղորդում եմ ուղարկել ՀՀ գլխավոր դատախազին հանցագործության վերաբերյալ:
Ուրեմն տարբեր օգտատերեր վերցնում են «Հայաստան» ֆեյսբուքյան էջի այս վիդեոսյուժեն ու «Նաիրա Զոհրաբյանի իրական դեմքը» վերտառությամբ տարածում:
Կհարցնեք՝ ի՞նչ կապ ունի Նաիրա Զոհրաբյանը այս սյուժեի հետ կամ տեսանյութում կա՞ ինձ հետ կապ ունեցող որևէ հղում, որևէ ակնարկ։ Իհարկե չկա: Բացառությամբ վերնագրում իմ անունը ճպպացնելուց, որ դիտումների քանակ ապահովեն, ինձ առնչվող որևէ դետալ, կամ անգամ հեռավոր ակնարկ այս տեսանյութում չկա:
Քիչ առաջ գրավոր դիմել եմ գլխավոր դատախազին` ընթացք տալու իմ դիմումին ու զբաղվել էս հանցագործությամբ:
Մի բան հաստատ խոստանում եմ` բոլոր ստահակները, զրպարտիչները, բոլոր տականքները և նման ապատեղեկատվությունը տարածողները տեսանելի ապագայում տևական ժամանակ «ռելաքս» են լինելու Հայաստանի տարբեր քրեակատարողական հիմնարկներում:
Նշյալ տեսանյութը, կից գրությամբ, արդեն իսկ ուղարկել եմ եվրոպական բոլոր կառույցներին և Հայաստանում հավատարմագրված բոլոր դեսպաններին:
Իսկ հիմա դիտեք տեսանյութը»,-գրել է Նաիրա Զոհրաբյանը և կից տարածել շրջանառվող տեսանյութն ու #ողբամձեզ, #էսինչտրյապկաեքնստելուեքմինչևվերջ հեշթեգները:
--00—ԼՄ