«Պատվերի ֆիասկո». Խաժակյանը՝ իր դեմ քրեական գործի մասին․ «Հրապարակ»

ԵՐԵՎԱՆ, ՀՈՒՆԻՍԻ 26, 24News 

Խաժակյան

«Հրապարակ» թերթը գրում է. «Տեղեկություն ունենք, որ Ձեր վարորդի գործը, որով Դուք որպես վկա եք ներգրավված, սկսել է նախկին ոստիկանապետ Արման Սարգսյանը, որը Հայկ Մարությանի ընկերն է, բայց ինչո՞ւ նրա ժամանակ չկատարվեց այդ պատվերը՝ հարցրինք Դավիթ Խաժակյանին։

«Ակնհայտ կլիներ, որ ոստիկանապետը գործ է հարուցել իր ընկերոջ քաղաքական օպոնենտի նկատմամբ»: Ինչո՞ւ հիմա հարուցեցին, որ Էդմոնը չստորագրի՞ ՍԴ դիմումը։ Փաստորեն, Էդմոնի սանիկների նկատմամբ էլ են գործ հարուցում․ Մարուքյանը Ձեր քավորն է, չէ՞։ «Այո, իմ քավորն է, իսկ գործը հարուցվել է ՍԴ-ին առնչվող մեր որոշումը կայացնելուց հետո»:

Լուրեր կան, որ Ձեր նկատմամբ «քաղաքական պատվերի» հետեւում նաեւ վարչապետի քավոր Ղալումյանն է կանգնած, ասում են` իրենց սանիկը զայրացած է։ «Չեմ բացառում, քանզի Փաշինյանն այդ բացահայտումը ծանր է տարել, եւ առայսօր չկա որեւէ հրապարակային տեղեկություն` հարյուր միլիոնավոր դրամների հասնող այդ չարաշահումների մասով»:

Վարորդի գործով ներկայացա՞ք 6-րդ վարչություն: «Այո, իրականում «ուչաստկովիի» գործ էր, ենթադրում եմ, որ իրենք ձեռք են բերել որոշ լուսանկարներ, որոնք առանց քրգործի հարուցման եւ դատարանի սանկցիայի իրավունք չունեին ձեռք բերելու»:

Առավել մանրամասն՝ թերթի այսօրվա համարում

--0--ԱՀ