Նոր ոստիկանապետի հրամանով պաշտոնանկություններ և նոր նշանակումներ ՃՈ-ում

ԵՐԵՎԱՆ, ՀՈՒՆԻՍԻ 22, 24News     

․

Այսօր՝ հունիսի 22-ին, ՀՀ ոստիկանության պետ, ոստիկանության գնդապետ Վահե Ղազարյանը հրամաններ է ստորագրել:

SHAMSHYAN.com-ի տեղեկություններով Վ, Ղազարյանի հրամանով ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի հրամանատար Լյուվիգ Ղանդիլյանը ազատվել է պաշտոնից և ՀՀ ոստիկանապետի մեկ այլ հրամանով նշանակվել է ճանապարհային ոստիկանության 2-րդ սպայական գումարտակի 5-րդ վաշտի հրամանատար:

Վ. Ղազարյանի մեկ այլ հրամանով ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի հրամանատար է նշանակվել Կոստան Բուդաղյանը, ով Վ, Ղազարյանի մեկ այլ հրամանով ազատվել է նույն վաշտի նույն դասակի ավագ տեսուչի պաշտոնից:

ՀՀ ոստիկանապետի մեկ այլ հրամանով ճանապարհային ոստիկանության 2-րդ սպայական գումարտակի 5-րդ վաշտի հրամանատար Սմբատ Նորեկյանը ազատվել է զբաղեցրած պաշտոնից և նշանակվել ոստիկանության Մեղրիի բաժնի հերթապահ մասի պետի պաշտոնում: Վ. Ղազարյանի մեկ այլ հրամանով ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի հրամանատար Գարիկ Մարտիրոսյանը ազատվել է զբաղեցրած պաշտոնից և ուղարկվել ոստիկանության կադրերի ռեզերվ:

--0--ԱՀ