Հայաստանի կառավարությանը տրված Ֆրենսիս Ֆուկույամայի գնահատականը. Ստեփան Դանիելյան

ԵՐԵՎԱՆ, ՀՈՒՆԻՍԻ 16, 24News 

Ստեփան Դանիելյան

Անարդյունավետ պետությունները, որտեղ հանրությունը բևեռացված է և կա վատ կառավարում, վատ են դիմակայել համավարակին, իրենց քաղաքացիներին ու տնտեսությունը թողնելով խոցելի վիճակում: Այս մասին իր ֆեյսբուքյան էջում գրել է քաղաքագետ Ստեփան Դանիելյանը:

«Արդեն այսօր իսկ պարզ է, թե ինչու որոշ երկրներ կարողացան ավելի արդյունավետ կերպով դիմակայել համավարակին, քան՝ մյուսները և պետք է ենթադրել, որ այս տենդենցը շարունակվելու է։

Որոշ դեմոկրատակ երկրներ լավ արդյունքներ են ցույց տվել, մյուսները՝ ոչ և նույն վերաբերվում է ավտորիտար երկրներին։

Համավարակին արդյունավետ դիմակայելու գործոններն էին երկրների գործնական լինելը, սոցիալական վստահությունը և առաջնորդությունը։ Այս երեք գործոններն ունեցող երկրները՝ կոմպետենտ պետական ապարատ, հանրության վստահությունը վայելող կառավարություն, որին քաղաքացիներն ականջալուր են, և արդյունավետ առաջնորդներ, կարողացել են տպավորիչ արդյունքների հասնել, սահմանափակելով կրած վնասները։

Անարդյունավետ պետությունները, որտեղ հանրությունը բևեռացված է և կա վատ կառավարում, վատ են դիմակայել համավարակին, իրենց քաղաքացիներին ու տնտեսությունը թողնելով խոցելի վիճակում»:

--0--ԱՀ