Սոցիալական հարցերի նախարարությունը ստանձնում է կորոնավիրուսով հիվանդ 100 տարեցների խնամքը

ԵՐԵՎԱՆ, ՀՈՒՆԻՍԻ 1, 24News 

հասարակական

ՀՀ աշխատանքի և սոցիալական հարցերի նախարարությունը ստանձնում է կորոնավիրուսով վարակված շուրջ 100 տարեց քաղաքացիների խնամքը՝ մեկուսացման վայրում: Այս մասին ֆեյսբուքյան իր էջում գրել է ՀՀ աշխատանքի և սոցիալական հարցերի նախարար Զարուհի Բաթոյանը։

Այս նպատակի համար Աշխատանքի և սոցիալական հարցերի նախարարությանը շտապ անհրաժեշտ են բժիշկներ, բուժքույրեր, մայրապետեր և սանիտարներ:

Բուժքույրերի աշխատավարձի պաշտոնային դրույքաչափը 131 հազար ՀՀ դրամ է, սանիտարներինը՝ 124 հազար ՀՀ դրամ:

Ցանկացողները կարող են ներկայացնել ինքնակենսագրականներ՝ էլեկտրոնային փոստի միջոցով՝ [email protected] հասցեին: Հարցերի համար կարող եք զանգահարել՝ 010 58-37-51: