«Տեղեկացնում եմ, որ ՀՀ վարչական դատարանի որևէ դատավոր բերման չի ենթարկվել և ձերբակալված չէ, հետևաբար միմյանց հրապարակումներն արտատպելու և չճշտված տեղեկություններ տարածելու իմաստ չկա։

Խնդրում եմ դատավորների վերաբերյալ ձեր հրապարակումներում զերծ մնալ անփույթ ձևակերպումներից, հատկապես, որ այն առնչվում է ՀՀ բարձրագույն պաշտոնատար անձանց և նրանց հեղինակությանը: Առաջարկում եմ հետևել օրենսդրական կարգավորումներին և տարածել ճշգրտված տվյալներ։

Շնորհակալություն եմ հայտնում այն գործընկերներին, ովքեր օպերատիվ կերպով արդեն իսկ ուղղել են իրենց նյութերում տեղ գտած անճշտությունները»,- գրել է նա։

Ավելի վաղ 24News-ը գրել էր, որ իր տեղեկություններով, իրավապահները խուզարկություն են իրականացնում Վարչական դատարանի մի շարք դատավորների տներում ու աշխատասենյակներում: Ինչպես նաև հայտնել էինք, որ գործով ձերբակալված փաստաբան կա:

Գործը վերաբերում է ենթադրյալ կաշառք տալուն կամ ստանալուն:

Ըստ տեղեկությունների՝ քրեական վարույթի շրջանակներում խուզարկություններ են իրականացվել դատավորներ Մհեր Պետրոսյանի և Լուսինե Բոյաջյանի աշխատասենյակներում ու բնակարաններում, ինչպես նաև քննչական գործողություններ են իրականացվել դատավոր, դատարանի նախկին նախագահ Արգիշտի Ղազարյանի աշխատասենյակում։

Ավելի ուշ Հակակոռուպցիոն կոմիտեն հաստատեց մեր տեղեկությունը և հայտնեց, որ դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով  կաշառք ստանալու փաստի առթիվ  նախաձեռնված քրեական վարույթի շրջանակներում։

Ձերբակալվել  են մի շարք անձինք, այդ թվում՝ փաստաբան։

Նախաքննության շահերից ելնելով՝ այս պահին այլ տեղեկատվություն չենք կարող հայտնել։