ԵՐԵՎԱՆ, ՄԱՅԻՍԻ 8, 24News

Գյումրու բժշկական կենտրոնի վիրաբուժության բաժնի վարիչ Արմեն Նասիբյանը կալանավորվել է. լուրը ԶԼՄ-ներին հաստատել են Հակակոռուպցիոն կոմիտեից:

«Դատարանը բավարարել է քննիչի միջնորդությունը, և մեղադրյալի նկատմամբ` որպես խափանման միջոց է ընտրվել կալանքը 2 ամսով»,- ասաց ՀՀ հակակոռուպցիոն կոմիտեի մամուլի քարտուղար Մարինա Օհանջանյանը։

Ավելի վաղ Հակակոռուպցիոն կոմիտեում քննվող վարույթի շրջանակում ձերբակալվել էր Գյումրու բժշկական կենտրոններից մեկի բաժնի վարիչն ապօրինի վարձատրություն ստանալուց անմիջապես հետո իրականացված քննչական գործողության ընթացքում։