ԵՐԵՎԱՆ, ՍԵՊՏԵՄԲԵՐԻ 17, 24News

Քրեական ոստիկանության Արարատի մարզային վարչության ծառայողները օպերատիվ տեղեկություններ էին ստացել, որ Արտաշատ քաղաքի բնակիչ 55-ամյա տղամարդը տան բակում կանեփ է աճեցնում և թմրամիջոց պատրաստում։ Սեպտեմբերի 15-ին, Տեղեկությունը հաստատվեց. տղամարդու տան բակում՝ ակնհայտ տեսանելի վայրերում դրված էին կանեփի բույսեր և կանեփի չորացված զանգված։ Այս մասին տեղեկանում ենք ՆԳՆ ոստիկանությունից։

Նախաձեռնվեց քրեական վարույթ, որի շրջանակում կատարված զննությամբ տան բակում հայտնաբերվեց կանեփի 326 բույս: Տանտերը նաև ներկայացրեց 61 գրամ կանեփանման զանգվածով երեք փաթեթ ու հայտնեց, թե մարիխուանան պատրաստել է ինքը` իր օգտագործման համար։

Նախաքննությունը շարունակվում է։