ԵՐԵՎԱՆ, ՍԵՊՏԵՄԲԵՐԻ 9, 24News

Արևմուտքն աչք է փակում Փաշինյանի դեսպոտիզմի վրա, նա չի արժանանում նաև ռուսական կոշտ հակազդեցության (Մատվիենկոն և Օվերչուկը գալիս են Հայաստան), հայտնում են «ՀայաՔվե»-ից։

«Ռուսները չեն ընդդիմանում միջանցքի բացմանը, Իրանի իշխանության գործադիր թևը ևս չափավոր է արձագանքում դրան: Հաջորդ տարի` ընտրություններից առաջ, Փաշինյանը Երևանում եվրոպական քաղաքական համայնքի համաժողով կանցկացնի, միգուցե Մակրոնը, Մերցը և այլք գան ու ողջունեն «իրենց եղբորը»:

Մյուս կողմից, հասարակության մինչև 60 տոկոսն անտարբեր կամ չկողմնորոշված է: Ընդդիմության առանձին ուժերի վարկանիշերն էլ առանձնապես գոհացուցիչ չեն:

Բայց, այնուամենայնիվ, այս ամենին պետք է հակազդել ընտրություններին ընդառաջ խիստ կազմակերպված գնալով և մրցունակ այլընտրանքային առաջարկով»: