ԵՐԵՎԱՆ, ՍԵՊՏԵՄԲԵՐԻ 9, 24News

«Հրապարակ» օրաթերթը գրում է․ Ութերորդ գումարման 10-րդ` աշնանային նստաշրջանի մեկնարկը խորհրդարանում երեկ անցավ արտասովոր համերաշխության մթնոլորտում․ ընդդիմությունն ու իշխանությունն անգամ փոխադարձ կսմիթներով հանդես չեկան: Տպավորություն էր, որ մի անտես ձեռք կողմերին հորդորել էր․ «Ребята давйте жить дружно»։

Իշխանական շրջանակներից, սակայն, շտապեցին հիասթափեցնել, թե՝ սպասեք, կինոն դեռ առջեւում է: Նրանք վստահ են, որ աշունը թեժ է լինելու օրենսդիր մարմնում։

Պարզապես ՔՊ-ականներին հրահանգվել է դեռ ափեղ-ցփեղ չխոսել, հարցազրույցներ չտալ, ավելորդ կրքեր չհրահրել։ Երեկ իշխանական պատգամավորների մեծ մասը տարատեսակ պատճառաբանություններով մերժում էր լրագրողների` հարցազրույցներ տալու, մեկնաբանելու առաջարկները։

—00—ՍՊ