ԵՐԵՎԱՆ, ՍԵՊՏԵՄԲԵՐԻ 1, 24News

Քրեական ոստիկանության Լոռու և Շիրակի մարզային վարչությունների, Համայնքային ոստիկանության Մուշի և Կումայրիի բաժինների ծառայողների համատեղ ձեռնարկած օպերատիվ-հետախուզական միջոցառումների արդյունքում օգոստոսի 29-ին Գյումրի քաղաքի Գարեգին Նժդեհի փողոցի շենքերից մեկում հայտնաբերվել և Քրեական ոստիկանության Լոռու մարզային վարչություն է տեղափոխվել Վանաձոր քաղաքի բնակիչ 29-ամյա մի երիտասարդ, որը օգոստոսի 8-ից հետախուզվում էր սպանության փորձի և հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության մեղադրանքով. խափանման միջոցը՝ կալանք։ Այս մասին տեղեկանում ենք ՀՀ ՆԳՆ ոստիկանությունից:

Նա տեղափոխվել է քրեակատարողական հիմնարկ: