ԵՐԵՎԱՆ, ՕԳՈՍՏՈՍԻ 30, 24News

Կարեն Անդրեասյանը նշանակվել է Միջազգային իրավական հարցերով ՀՀ ներկայացուցիչ։ Համապատասխան որոշումն ընդունել է ՀՀ վարչապետ Նիկոլ Փաշինյանը։

«Ղեկավարվելով «Հանրային ծառայության մասին» օրենքի 9-րդ հոդվածի 26-րդ մասով՝ Կարեն Անդրեասյանին նշանակել Միջազգային իրավական հարցերով ներկայացուցիչ»։

Նշենք, որ երեկ Փաշինյանը աշխատանքից ազատեց Միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանին։

Հիշեցնենք, որ 2024 թվականի նոյեմբերի 18-ին Անդրեասյանը հեռացավ ԲԴԽ նախագահի պաշտոնից։

Միջազգային իրավական հարցերով ՀՀ ներկայացուցիչ Եղիշե Կիրակոսյանը հրաժարականի դիմում է ներկայացրել այս տարվա մարտին։

–00—ՅՄ