Փաշինյանի հորինած խաղաղությունը փշրվում է, երբ տեսնում ենք գերիներին ու քաղբանտարկյալներին

30/08/2025 12:56 Ներքին կյանք

ԵՐԵՎԱՆ, ՕԳՈՍՏՈՍԻ 30, 24News

«Ազատությու՛ն Բաքվում պահվող հայ գերիներին» պահանջով ՀՀԿ փոխնախագահ Արմեն Աշոտյանը բողոքի ակցիա է իրականացնում ԵՄ դեսպանության առջև։

Լրագրողների հետ զրույցում ՀՀԿ փոխնախագահը նշեց, որ ակցիայի մասին նախապես հայտարարվելու դեպքում այն կկանխվեր իշխանությունների, ուժայինների կողմից․

«Ակցիան անակնկալ էր և այդ իմաստով այն հաջողված էր»,- ասաց Աշոտյանը։

Նրա խոսքով՝ ակցիայի նպատակն էր բարձրաձայնել ՀՀ-ի և Ադրբեջանի բանտերում գտնվող, ապօրինաբար կալանավորված, պատանդի կարգավիճակում գտնվող մեր հայրենակիցների հարցը։

«Բաքվի բանտերում գտնվող Արցախի ռազմաքաղաքական ղեկավարությունն ունի մեր աջակցության, ուշադրության և պայքարի կարիքը, և ՀՀ-ի բանտերում գտնվող մի քանի տասնյակ քաղաքական բանտարկյալներ նույնպես չեն կարող այս լռության պատի զոհը դառնալ և այդ պատը պետք է ճեղքել»,- ասաց Արմեն Աշոտյանը։

Մանրամասները՝ տեսանյութում։

—00—ԼԱ

Փաշինյանի հորինած խաղաղությունը փշրվում է, երբ տեսնում ենք գերիներին ու քաղբանտարկյալներին

Նմանատիպ նորություններ