ԵՐԵՎԱՆ, ՕԳՈՍՏՈՍԻ 21, 24News

Բելառուսի նախագահ Ալեքսանդր Լուկաշենկոն շնորհավորել է Ամենայն հայոց կաթողիկոս Գարեգին II-ին ծննդյան օրվա կապակցությամբ: Այս մասին ԲԵԼՏԱ-ին հայտնել են նախագահի մամուլի ծառայությունից:

«Ձեր հովվական ծառայությունը նպաստում է քրիստոնեական արժեքների պահպանմանը, նոր եկեղեցիների բացմանը և կորցրած սրբավայրերի վերադարձմանը», – ասվում է շնորհավորանքում:

«Վերակենդանացնելով հոգևորականությունը, պահպանելով խաղաղությունն ու ներդաշնակությունը հասարակության մեջ՝ դուք անգնահատելի ներդրում եք ունենում Բելառուսի և Հայաստանի միջև հարաբերությունների զարգացման, մեր եղբայրական ժողովուրդների հոգևոր մերձեցման գործում»:

Ալեքսանդր Լուկաշենկոն Գարեգին II-ին մաղթել է քաջառողջություն և նորանոր հաջողություններ իր ազնիվ ասկետական ​​ծառայության մեջ:

—00—ՄԱ