Մհեր Ենոքյանը կշարունակի մնալ ազատության մեջ․ ազատ արձակման որոշման դեմ բողոքները մերժվել են

08/08/2025 12:06 Ներքին կյանք

Վերաքննիչ քրեական դատարանը մերժել է գլխավոր դատախազության և տուժողի իրավահաջորդի ներկայացուցչի վերաքննիչ բողոքները` 29 տարի անազատության մեջ պատիժը կրած ցմահ դատապարտյալ Մհեր Ենոքյանի պայմանական վաղաժամկետ ազատման որոշման դեմ: Այս մասին 24News-ին հայտնեցին Քրեական դատարանից:

Թե ի՞նչ հիմքով է մերժվել, դատարանից նշեցին` ավելի ուշ կհայտնեն:

Հիշեցնենք, որ Ենոքյանին մեղադրանք էր առաջադրվել համակուրսեցի Իոսիֆ Աղաջանովին սպանելու համար։ Նա 1996-ի նոյեմբերի 29-ին դատապարտվել էր մահապատժի։

2003-ին՝ Հայաստանում մահապատժի վերանալուց հետո, Մհեր Ենոքյանը դատապարտվեց ցմահ ազատազրկման։

Մերի Մանուկյան

–00—ՅՄ