ԵՐԵՎԱՆ, ՀՈՒԼԻՍԻ 28, 24News

Օրերս Ուրուգվայի մայրաքաղաք Մոնտեվիդեոյում տեղի է ունեցել հանդիպում՝ Ընկերվար միջազգայնականում (Սոցինտերն) Հայ Յեղափոխական Դաշնակցության ներկայացուցիչ, Սոցինտերնի փոխնախագահ Մարիո Նալբանդյանի և պաշտոնական այցով Ուրուգվայում գտնվող Սոցինտերնի նախագահ, Իսպանիայի վարչապետ Պեդրո Սանչեսի միջև։ Այս մասին հայտնում են ՀՅԴ Բյուրոյի Հայ դատի կենտրոնական գրասենյակից։

Հանդիպման ընթացքում քննարկվել են ՀՀ-ում ընթացող ներքաղաքական զարգացումները, տարածաշրջանային անվտանգության խնդիրները, ինչպես նաև Ադրբեջանի կողմից պատանդառված հայ գերիների իրավունքների պաշտպանությանը և Արցախի ժողովրդի՝ հայրենիք վերադարձի իրավունքին առնչվող հարցեր։

Մարիո Նալբանդյանը Իսպանիայի վարչապետին է փոխանցել ՀՅԴ Բյուրոյի ներկայացուցիչ Արմեն Ռուստամյանի` Հայաստանում ժողովրդավարության նահանջի և հաստատված ավտորիտար կառավարման վերաբերյալ  նամակն ու կից տեղեկանքը։

—00—ՄԱ