ԵՐԵՎԱՆ, ՀՈՒԼԻՍԻ 14, 24News

Wizz Air ավիաընկերությունը հայտարարել է, որ 2025 թվականի սեպտեմբերի 1-ից դադարեցնում է դեպի Աբու Դաբի թռիչքները, հայտնում է «Հետք»-ը։

Ընկերությունը պատճառաբանում է իր որոշումն աշխարհաքաղաքական անկայունությամբ, որը հանգեցրել է օդային տարածքների պարբերական փակման՝ խաթարելով պահանջարկը, ինչպես նաև Մերձավոր Արևելքի շոգ կլիմայով, որն ազդել է շարժիչների արդյունավետության վրա։

Wizz Air-ի գլխավոր տնօրեն Յոժեֆ Վարադին ասել է․ «Մատակարարման շղթայի սահմանափակումները, աշխարհաքաղաքական անկայունությունն ու շուկայի սահմանափակ հասանելիությունը լրջորեն խոչընդոտել են մեր սկզբնական նպատակների իրագործմանը»։

–00—ՅՄ