ԵՐԵՎԱՆ, ՀՈՒԼԻՍԻ 13, 24News

Ադրբեջանական գերության մեջ գտնվող լիբանանահայ Վիգեն Էուլջեքչյանը դարձավ 46 տարեկան։ «Free Armenian Hostages» նախաձեռնությունն այս կապակցությամբ հայտարարություն է տարածել

«Նա պետք է իր ծննդյան օրը նշեր ընտանիքի և ընկերների հետ, մինչդեռ 1853 օր անցկացրել է Ալիևի գերության մեջ։ Մենք պայքարում ենք նրա և բոլոր 23 պատանդների համար»։

Մայիսի վերջին հայտնի դարձավ, որ Էուլջեքչյանը հացադուլից և առողջական վիճակի վատթարացումից հետո տեղափոխվել է հիվանդանոց։ Նա բանտում հացադուլ էր հայտարարել, քանի որ ընտանիքի հետ կապ հաստատելու հնարավորություն չէին տվել։

—00—ՄԱ