ԵՐԵՎԱՆ, ՀՈՒԼԻՍԻ 1, 24News

ՀՀ ԱԺ պատգամավոր Տիգրան Աբրահամյանը գրում է․ «Այցելեցի ՀՀ-ում Իրանի Իսլամական Հանրապետության դեսպանատուն` սգո մատյանում գրառումներ անելու և ցավակցություններս Իրանի ժողովրդին այսկերպ փոխանցելու համար:

Իրանի դեմ ռազմական գործողությունները նոր փորձություն էին մեր տարածաշրջանի համար, որտեղ ցանկացած նոր ցնցում կարող է մասշտաբային ողբերգությունների հանգեցնել:

Ակնկալել, որ պատերազմներ և զոհեր այլևս չեն լինի, ուղղակի չենք կարող. ցավոք իրողությունները լավատեսություն չեն ներշնչում:

Համոզված եմ, որ հարևան Իրանը արագ կվերականգնվի և իրանցիների կվերադառնան իրենց խաղաղ կյանքին:

Ցավակցություններս մեր բարեկամ Իրանին»։

–00—ՅՄ