ԵՐԵՎԱՆ, ՀՈՒՆԻՍԻ 17, 24News

ՀՀ նախկին ՄԻՊ Արման Թաթոյանը անդրադարձել է գործարար Սամվել Կարապետյանի նկատմամբ հետապնդումներին․

«Այլևս անթաքույց է, որ Հայաստանում քրեական վարույթներ հարկ եղած դեպքում հարուցվում են քաղաքական ուղիղ հրահանգով, արդեն իսկ բացահայտորեն կառավարության ղեկավարի ֆեյսբուքյան էջում նաև։

Իրավապահ համակարգի հեղինակությունը հավասարեցվում է զրոյի, մանավանդ, երբ նրանք էլ անտրտունջ կատարում են իջեցված քաղաքական հրահանգը։

Ակնհայտ է, որ իրավունքի գերակայությունը կամ ժողովրդավարությունն ուղղակի վերջացած են:

Իրավական պետության համար աղետ է, երբ այս ամենին էլ ավելանում է վարչապետ կողմից ատելության խոսքի լայն տարածումը և անհանդուրժողականության հրահրումը»։