ԵՐԵՎԱՆ, ՀՈՒՆԻՍԻ 9, 24News

Երեկ Արմաշ գյուղի տարածքում տեղի ունեցած ավտովթարի հետևանքով բուժօգնության դիմած քաղաքացիները դուրս են գրվել բժշկական կենտրոնից, իսկ կին պարեկն ունի թեթև վնասվածք։ Տեղեկությունը 24News-ի հետ զրույցում փոխանցեց ՆԳՆ խոսնակ Նարեկ Սարգսյանը։

«Նախնական տվյալներով՝ պարեկն այսօր դուրս կգրվի բժշկական կենտրոնից»,-  ասաց Սարգսյանը։

Հիշեցնենք, որ երեկ՝  ժամը 19:10-ին, ՆԳ նախարարության ոստիկանություն վթարի վերաբերյալ ահազանգ էր ստացվել։  Արարատի մարզի Արմաշ գյուղում պարեկային ծառայության կարգախումբը կանգնեցրել է «Նիսան» մակնիշի ավտոմեքենա՝ վարչարարություն իրականացնելու նպատակով. «Կարճ ժամանակ անց նույն ճանապարհով երթևեկող Հյունդայի մակնիշի ավտոմեքենայի վարորդը, չկարողանալով կառավարել այն, բախվել է պարեկային ծառայության կարգախմբի կայանված ավտոմեքենային։ Պատահարի հետևանքով երեք մարդ, այդ թվում՝ պարեկային ծառայության կարգախմբի կին ծառայողը ստացել են մարմնական վնասվածքներ ու հոսպիտալացվել։ Հանգամանքները նախաքննությամբ պարզվում են», – ասված էր հաղորդագրությունում։

Իսկ ավելի վաղ «Հրապարակ»-ը գրել էր, որ նշված վթարի մասնակից է նաև ՀՀ վարչապետին ուղեկցող ավտոշարասյունը և որ անվտանգության աշխատակիցներից ևս վնասվածքներ են ստացել։ ՆԳՆ, սակայն հերքեց տեղեկատվությունը։

–00—ՅՄ