ԵՐԵՎԱՆ, ՄԱՅԻՍԻ 21, 24News

Երևանի քաղաքապետ Տիգրան Ավինյանը հայտնում է․

«Հարություն Պետրոսյանը արդեն 32 տարի աշխատում է Երևանի մետրոպոլիտենում։ Նրա և գործընկերների շնորհիվ այսօր փոխարինվում են դեռևս 70-ականներից մնացած ժամկետանց ռելսերը։

Վերջին ամիսներին արդեն փոխարինվել է շուրջ 170 տոննա ռելս, ինչն ուղղակիորեն նպաստում է երթևեկության կայունությանն ու ուղևորների անվտանգությանը։

Յուրաքանչյուր փոխարինում՝ մի նոր քայլ է դեպի այն, որ հազարավոր մարդիկ ամեն օր հասնեն իրենց նպատակակետին՝ արագ, անվտանգ և առանց խափանումների»։