ԵՐԵՎԱՆ, ՄԱՅԻՍԻ 17, 24News

Ապրիլի 29-ին Ներքին գործերի նախարարությունը «Լուրերին» հաղորդել էր, որ Երևան-Սևան 3-րդ կմ գործող գազալցակայանում տեղի է ունեցել պայթյուն։ Վնասվել են 2 արևային պանելներ, 3 ավտոմեքենա, տուժածներ չկան։

«Հետք»-ը գրավոր հարցմամբ դիմել է Քաղաքաշինության, տեխնիկական և հրդեհային անվտանգության տեսչական մարմին՝ պարզելու, թե արդյոք Տեսչական մարմինը մինչ այդ գազալցակայանում իրականացրել էր ստուգումներ և հնարավոր խախտումներ հայտնաբերել։

Նախ, Տեսչական մարմնից «Հետք»-ին հաղորդել են, որ պայթյունը տեղի է ունեցել Գեղարքունիքի մարզի Սևան-Երևան մայրուղու 1-ին կմ հասցեում՝ «Քյավառ-Նաիրի» ՍՊ ընկերությանը պատկանող գազալցակայանի տարածքում՝ լցակայանին մատակարարվող գազի խողովակաշարում։ Պայթել է հաշվիչ հանգույցից դուրս եկող գազատարը՝  ճնշակայան մտնելու հատվածից 20-30 մ հեռավորության վրա։

Տեսչական մարմնի հաղորդմամբ՝ «Քյավառ-Նաիրի» ՍՊ ընկերությունում 2024 թվականի նոյեմբերի 11-13-ին Գեղարքունիքի տարածքային բաժնի աշխատակիցները հրդեհատեխնիկական հետազոտություն են իրականացրել, որի արդյունքում հայտնաբերվել են մի շարք խախտումներ, որոնց հիմքով իրականացվել է վարչական վարույթ։

«Տնտեսվարողին տրվել է կարգադրագիր արձանագրված թերությունները վերացնելու համար, որի վերջնաժամկետ է սահմանվել 2025 թվականի սեպտեմբերի 25-ը»,- հայտնել են ՔՏՀԱ տեսչական մարմնից։

Մանրամասն՝ սկզբնաղբյուր կայքում։

–00—ՅՄ