ԵՐԵՎԱՆ, ԱՊՐԻԼԻ 28, 24News

Ապրիլի 28-ին, ժամը 01:12-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արզնի-Բյուրեղավան ավտոճանապարհին տեղի է ունեցել ՃՏՊ՝ հրդեհի բռնկմամբ. անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Արզնի-Բյուրեղավան ավտոճանապարհի 1-ին կմ-ի մոտակայքում «Mercedes-Benz» մակնիշի ավտոմեքենան դուրս է եկել ճանապարհի երթևեկելի հատվածից, բախվել ճամփեզրի բետոնե արգելապատնեշին և ցանկապատի երկաթե սյանը, կողաշրջվել և բռնկվել. տուժածներ չկան:

Հրդեհը մեկուսացվել է ժամը 01:33-ին, մարվել՝ 02:05-ին: Այրվել է ավտոմեքենան։

–00—ՅՄ