ԵՐԵՎԱՆ, ԱՊՐԻԼԻ 25, 24News

Մետրոյի շահագործումից ի վեր չփոխարինված օդափոխության հին համակարգերը փոխարինվել են: Այդ մասին հայտնում է Երևանի քաղաքապետ Տիգրան Ավինյանը։

«Մետրոպոլիտենում կայարաններ մաքուր օդ ներմուծելու, արտակարգ իրավիճակների դեպքում (հրդեհներ) ծուխը արտահանելու, օդի հարաբերական խոնավությունը նվազեցնելու նպատակով՝ 2023թ-ից մեկնարկեցինք օդափոխության համակարգերի փոխարինման աշխատանքները:

Դրանք արդեն մաշվել և դուրս էին եկել պիտանելիությունից: Ծրագրի շրջանակում տեղադրեցինք օդափոխության 14 նոր համակարգ. սարքերն ավելի էներգախնայող են, որի շնորհիվ կրճատվում են ծախսերը, ինչպես նաև ավելի հարմարավետ ու անվտանգ են»,- նշել է նա: