Ապրիլի 24-ին Վարշավայի Հայկական պուրակում խաչքարի մոտ տեղի է ունեցել Հայոց ցեղասպանության 110-րդ տարելիցին և Լեհաստանի Սեյմի կողմից Ցեղասպանության վերաբերյալ ընդունված բանաձևի 20-րդ ամյակին նվիրված ցեղասպանության անմեղ զոհերի հիշատակի ոգեկոչման արարողություն Վարշավայի կայազորի հրամանատարության զինվորների մասնակցությամբ:

Դեսպան Ալեքսանդր Արզումանյանը խոսել է օրվա խորհրդի, ցեղասպանությունների կանխարգելման և նման ոճրագործությունների բացառման կարևորության մասին։

Այնուհետև հնչեցվել է բարեխոսական աղոթք,

Լեհաստանում Հայ Առաքելական Եկեղեցու հոգևոր հովիվ Հոգեշնորհ Տ. Մինաս աբեղա Հախվերդյանի և Լեհաստանի Հայ Կաթողիկե եկեղեցու հոգևոր հովիվ ծայրագույն վարդապետ Յուզեֆ Նաումովիչի կողմից, ինչին հետևել է ծաղիկների զետեղման արարողությունը։