ԵՐԵՎԱՆ, ԱՊՐԻԼԻ 20, 24News

Երեկ՝ ապրիլի 19-ին վրաերթ է տեղի ունեցել Կոտայքի մարզում։ Ժամը 20:30-ի սահմաններում Արագածոտնի մարզի բնակիչ 39-ամյա  Գոռ Հ.-ն իր վարած «Nissan» մակնիշի ավտոմեքենայով Երևան-Վանաձոր ավտոճանապարհին՝ Աշտարակի խճուղու Պռոշյան գյուղի վարչական տարածքում՝ արագաչափ մոտ, վրաերթի է ենթարկել փողոցը չթույլատրելի հատվածով անցնող հետիոտն՝ Կոտայքի մարզի բնակիչ 63-ամյա Ալեքսանդր Գ.-ին։ Այս մասին հայտնում է Shamshyan.com-ը։

Վիրավորը  տեղափոխվել է «Արմենիա» բժշկական կենտրոն։

Դեպքի փաստով Նաիրիի քննչական բաժնում նախաձեռնվել է քրեական վարույթ։

Քննիչի հանձնարարականով ավտոմեքենան տեղափոխվել է ոստիկանության Նաիրիի բաժնի պահպանվող հատուկ տարածք։

–00—ԱՊ