ԵՐԵՎԱՆ, ԱՊՐԻԼԻ 18, 24News

Այսօր առավոտյան մի խումբ արցախցիներ, որոնք աչքի են ընկնում իրենց պրոիշխանական կեցվածքով և, ըստ որոշ լուրերի, կապ ունեն Արցախի ՊԲ հրամանատար Սամվել Բաբայանի և ՀՀ ԱԽ քարտուղար Արմեն Գրիգորյանի հետ, ակցիա էին իրականացնում Երևանում Արցախի Հանրապետության ներկայացուցչության առջև՝ պահանջելով վերադարձնել Արցախի հիմնադրամի «թալանը»:

Նրանք մեղադրում էին, թե Արցախի պաշտոնյաները զբաղվել են «թալանով» ու յուրացրել Նիկոլ Փաշինյանի (ՀՀ կառավարության) ուղարկած փողերը: Այս խմբի մեջ հատկապես ագրեսիվ վարքով էր աչքի ընկնում ակտիվիստ Նահապետ Սարգսյանը, որը հրել էր 24News-ի լրագրող Մերի Մանուկյանին ու վիրավորել իր մասնագիտական պարտքը կատարող մեր գործընկերոջը:

24News-ը պարզեց, որ ուրիշներին «թալանի» մեջ մեղադրող ու խուլիգանական վարքագծով աչքի ընկած սույն անձն ինքն է 15 մլն դրամ 2021 թ-ի օգոստոսի 26-ին վերցրել հիմնադրամից ու մինչև այսօր վերադարձրել …0 դրամ: Ավելին, այդտեղ հավաքվածներից Յուրի Մուսայելյանն, օրինակ, 2020-ի հուլիսին վերցրել է 30 մլն դրամ ու վերադարձրել … 2324 դրամ:

Նրա ընտանիքի անդամներից Արմինե Մուսայելյանը 2021-ին վերցրել է 11.5 մլն դրամ ու ոչինչ չի մարել, իսկ Անդրեյ Մուսայելյանը 2020-ին ստացել է 5 մլն դրամ ու կրկին ոչինչ չի մարել: Ստացվում է, որ իբր թալանի դեմ պայքարող պրոիշխանական այս հավաքի շատ մասնակիցներ իրենք են լիուլի օգտվել հիմնադրամի գումարներից, սակայն այսօր հավաքվել էին Արցախի ներկայացուցչության առջև, որպեսզի լուծեն քաղաքական խնդիր:

–00—ՍՊ