ԵՐԵՎԱՆ, ԱՊՐԻԼԻ 20, 24News
Ապրիլի 19-ին` ժամը 19:28-ին, Ճգնաժամային կառավարման ազգային կենտրոն ահազանգ է ստացվել, որ Երևանի «Տեցի կռուգ» կոչվող տեղանքում տեղի է ունեցել ՃՏՊ, կա տուժած, ավտոմեքենայից առկա է վառելիքի արտահոսք:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Բագրատունյաց պողոտայում՝ «Նաիրիտ գործարան» ՓԲԸ-ի մոտակայքում, «Nissan Tiida» մակնիշի ավտոմեքենան (վարորդ՝ Կարեն Դ., ծնված 1986 թ.) դուրս է եկել ճանապարհի երթևեկելի հատվածից և բախվել ճամփեզրի ծառերին և հենասյուներին, ինչի հետևանքով ուղևոր Դավիթ Թ.-ն (ծնված 1986 թ.) ավտոմեքենայից դուրս է ընկել։ Ավտոմեքենայից առկա է վառելիքի և յուղի արտահոսք:
Մինչ փրկարարների՝ կանչի վայր հասնելը Դավիթ Թ.-ն տեղի ուժերով տեղափոխվել է «Էրեբունի» ԲԿ:
Փրկարարները Կարեն Դ.-ին մոտեցրել են շտապօգնության ավտոմեքենային, ով հոսպիտալացվել է «Էրեբունի» ԲԿ: Բժիշկները տուժածների առողջական վիճակը գնահատել են բավարար:
Փրկարարները սահմանազատել են տարածքը, հոսանքազրկել ավտոմեքենան և կատարել ճանապարհի լվացման աշխատանքներ: