ՊՆ տարբերանշանի նոր տարբերակը հանրային աջակցության դեպքում կարող է պաշտոնական դառնալ

ԵՐԵՎԱՆ, ՀՈւՆՎԱՐԻ 25, 24News    

ՊՆ տարբերանշան

ՀՀ պաշտպանության նախարարության մամուլի խոսնակ Արծրուն Հովհաննիսյանն իր ֆեյսբուքյան էջում գրել է․

«Երեկ շատ քննարկվեց այս թեման։

Ես գիտեմ, որ բոլորս միաժամանակ մասնագետ ենք տիեզերքից մինչև բալետ ու ֆուտբոլ։ Բայց խնդրում եմ մինչև վերջ կարդալ։ Սա ՀՀ ԶՈւ-երի զինանշանը չէ, այլ ՀՀ ՊՆ տարբերանշանի տարբերակ։

Եթե մի կողմ թողնենք մեր անձնական կարծիքները, ապա այստեղ կարևոր է մի քանի հանգամանք։

1. Սա նախագիծ է, պաշտոնական չէ, վերջնական չէ։

2. Ոչ այս նկարում, ոչ երեկվա շրջանառված նկարում գծերի համաչափությունը կարող է պահպանված չլինել, քանի որ այն վեկտորային ֆայլը չէ։

3. Այս նախագիծը հանրային աջակցության պարագայում կարող է դառնալ պաշտոնական։ Կարող է դառնալ»։

Հիշեցնենք, որ հունվարի 24-ին տեղեկություններ էին տարածվում ՀՀ ՊՆ զինանշանի փոփոխման մասին: