ԵՐԵՎԱՆ, ԱՊՐԻԼԻ 12, 24News
Euronews-ը տեսանյութ է հրապարակել, որում Հռոմի պապ Ֆրանցիսկոսը Հարավային Սուդանի առաջնորդների հետ հանդիպման ժամանակ, որոնց թվում էին Հարավային Սուդանի նախագահ Սալվա Կիիրը և հինգ փոխնախագահներից չորսը, ընդդիմության նախկին ղեկավար Ռիեկ Մաշար Թենին ու նրա հոգևոր հիերարխները, ծնկել է նրանց առաջ։«Մեզ՝ քաղաքական ու կրոնական առաջնորդներիս, Աստված շնորհել է կարևոր խնդիր՝ լինել նրա հոտի ուղեվարները, և հենց այդ պատճառով մեզնից ավելին է պահանջվում։ Հետո մեզնից կպահանջեն, թե որքանով ենք լավ աշխատել ի բարօրություն ժողովրդի և խաղաղության»,- ասել է Ֆրանցիսկոսը՝ համբուրելով Հարավային Սուդանի հյուրերի ոտքերը։
Աղբյուրը նաև նշում է, որ Հռոմի Պապը լրջորեն դիտարկել է Հարավային Սուդան ուղևորությունը և մտադրվել էր այն իրականացնել հենց անգլիկան եկեղեցու արքեպիսկոպոսի հետ, սակայն ավելի ուշ այդ գաղափարից հրաժարվել էր՝ պատճառաբանելով, որ «պայմանները դեռ հասունացել»։