ԵՐԵՎԱՆ, ՄԱՐՏԻ 25, 24News
«Առողջ հասարակություն» միջազգային համաժողովի շրջանակներում առողջապահության նախարար Անահիտ Ավանեսյանի գլխավորած պատվիրակությունն այցելել է ՌԴ «Վ. Ա. Ալմազովի անվան ազգային բժշկական հետազոտական կենտրոն»: Այդ մասին տեղեկանում ենք առողջապահության նախարարության ֆեյսբուքյան էջից:
Ճանաչողական այցի ընթացքում հայկական պատվիրակությանն է ներկայացվել կլինիկային կից գործող նորաբաց ուսուցողական կենտրոնի կարողություններն ու հագեցվածությունը: Ընդգծվել է, որ կենտրոնը հյուրընկալում է թե ուսանողների, թե օրդինատորների՝ գործնական պարապմունքներն անցկացնելու համար:
Համաժողովի ավարտին Անահիտ Ավանեսյանը պարգևատրվել է Ռուսաստանի Դաշնության առողջապահության նախարար Միխայիլ Մուրաշկոյի կողմից:
--00—ԼՄ