Ձորաղբյուր-Ջրվեժ ճանապարհին «Mercedes-Benz»-ը դուրս է եկել ճանապարհից, բախվել ծառին և արգելափակվել

ԵՐԵՎԱՆ, ՓԵՏՐՎԱՐԻ 1, 24News

․

Փետրվարի 1-ին, ժամը 01:34-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր-Ջրվեժ ավտոճանապարհին տեղի է ունեցել ավտովթար։

ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ «Mercedes-Benz E320» մակնիշի ավտոմեքենան (վարորդ` Ա. Ս.) դուրս է եկել ճանապարհի երթևեկելի հատվածից, բախվել ծառին և արգելափակվել փոսի մեջ․ տուժածներ չկան։

Փրկարարներն ավտոմեքենան դուրս են բերել արգելափակումից։

--00--ԱՀ