Վեդիում հարգանքի տուրք է մատուցվել Հայրենիքի պաշտպանության համար զոհած հերոսների հիշատակին

ԵՐԵՎԱՆ, ՀՈՒՆՎԱՐԻ 29, 24News

326950843_720999259402068_1854473686351259554_n

Երեկ Վեդի համայնքում նշվեց Հայոց բանակի կազմավորման 31 ամյակը։

Նախ ներկաները՝ Արարատի մարզպետ Սեդրակ Թեւոնյանի եւ Վեդի համայնքի ղեկավար Գարիկ Սարգսյանի գլխավորությամբ, ծաղիկներ խոնարհեցին բանակի հիմադիր Վազգեն Սարգսյանի կիսանդրու մոտ, որից հետո Վեդու քաղաքային պանթեոնում հարգանքի տուրք մատուցեցին Հայրենիքի պաշտպանության համար իրենց կյանքը զոհած հերոսների հիշատակին։

Վեդու քաղաքային մշակույթի տանը կազմակերպված միջոցառմանը գեղեցիկ համարներով հանդես եկան ու բանակի տոնը շնորհավորեցին Մշակույթի տան, Գեղարվեստի, Երաժշտական եւ Արվեստի դպրոցների երգի, պարի, դհոլի եւ քանոնի խմբակների շնորհալի երեխաներն ու պատանիները։

Վերջում, շնորհավորելով բանակի տոնը, համայնքի ղեկավարը իր խոսքում բոլորին կոչ արեց միասնական լինել, մի կողմ դնել քաղաքական տարաձայնությունները եւ թիկունք կանգնել մեր բանակին։

--00—ՅՄ