Արձանագրվել են «Կալաշնիկովի» ինքնաձիգի, գնդացիրի և ռազմամթերքի կամավոր հանձնման դեպքեր

ԵՐԵՎԱՆ, ԴԵԿՏԵՄԲԵՐԻ 14, 24News

Ոստիկանության Սյունիքի մարզային վարչության տարածքային բաժինների ծառայողներն ակտիվ բացատրական աշխատանք են իրականացրել բնակչության հետ՝ ապօրինի պահվող զենք-զինամթերքի կամավոր հանձնման ուղղությամբ։

Արդյունքում, Կապանի բաժնում արձանագրվել են «Կալաշնիկովի» ինքնաձիգի, հրացանի, պայթուցիչներով նռնակների  և տարբեր տրամաչափի ու հրազենների փամփուշտների կամավոր հանձնումներ։

«Կալաշնիկովի» ինքնաձիգների և տարբեր տեսակի ռազմամթերքի կամավոր հանձնման առումով արդյունավետ էր նաև Գորիսի ոստիկանների բացատրական աշխատանքը. արձանագրվել է երկու դեպք։

Ոստիկանության Սիսիանի բաժնում էլ արձանագրվել են «Կալաշնիկովի» ինքնաձիգի, գնդացիրի և ռազմամթերքի կամավոր հանձնման դեպքեր։

Տարբեր տեսակի հրացանների, պայթուցիչներով նռնակների և փամփուշտների կամավոր հանձնումներն էլ արձանագրվել են Մեղրիի բաժնում։ Կրկին հորդորում ենք ապօրինի պահվող զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

--00—ՅՄ