Լոռիում 20 տոննա հեղուկ գազով բեռնված Iveco-ն կողաշրջվել է․ վարարոդի վիճակը ծայրահեղ ծանր է

ԵՐԵՎԱՆ, ԴԵԿՏԵՄԲԵՐԻ 1, 24News

d7939c7564728a40728d9a9e5a4c4cac.jpg

Երեկ՝ նոյեմբերի 30-ին, գրեթե մի քանի ժամ շարունակ «Մելար» ՍՊԸ-ի աշխատակիցները վերամբարձ կռունկների միջոցով փորձում էին Ալավերդի-Վանաձոր ավտոճանապարհի 8-րդ կմ հատվածի հարևանությամբ գործող քարերի մշակման արտադրամասի տարածքից դուրս բերել նոյեմբերի 29-ին նշված տարածքում կողաշրջված վիճակում հայտնված Iveco մակնիշի 20 տոննայից ավելի կշռով հեղուկ գազով բեռնված բեռնատարը։

Ինչպես ավելի վաղ հայտնել է SHAMSHYAN.com-ը, նոյեմբերի 29-ին, խոշոր ու ողբերգական ավտովթար է տեղի ունեցել Լոռու մարզում։ Ժամը 20։30-ի սահմաններում Կոտայքի մարզի բնակիչ՝ 44-ամյա Բաղդասար Բ-ն իր վարած Iveco մակնիշի հեղուկ գազով կցորդիչով բեռնատարով Ալավերդի-Վանաձոր ավտոճանապարհի 8-րդ կմ հատվածում դեռևս անհայտ հանգամանքներոմ դուրս է եկել ճանապարհի երթևեկելի գոտուց, բախվել բետոնե մի քանի արգելապատնեշների, կոտրել ճանապարհային նշաններն ու կողաշրջված վիճակում հայտնվել ձորում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը ծայրահեղ ծանր ախտորոշմամբ տեղափոխվել է «Ալավերդի» ԲԿ։

Նրան ավտոմեքենայից դուրս են բերել ՀՀ ոստիկանության պարեկային ծառայության Լոռու գումարտակի պարեկները։ Օպերատիվ են գործել նաև բժիշկների հերթապահ խումբը, ովքեր վիրավորին մինչև հիվանդանոց տեղափոխելը, տեղում առաջին բուժօգնություն են ցուցաբերել։ Օպերատիվորեն ժամանել են Լոռու գումարտակի Թումանյանի տարածաշրջանում ծառայություն կատարող պարեկներ Արեն Ղարաջյանն ու Ֆրունզե Սարգսյանը։

Դեպքի վայր են ժամանել Արտակարգ իրավիճակների նախարարության փրկարար ծառայության Ալավերդու հրշեջ փրկարարական ջոկատից 1 մարտական հաշվարկ։  Վթարի մասին պարեկային ծառայության Լոռու գումարտակից տեղեկությունը փոխանցել են Հայաստանի քննչական կոմիտեի Լոռու մարզային քննչական վարչության Թումանյանի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։

--00—ԶՀ