ԵՐԵՎԱՆ, ՆՈՅԵՄԲԵՐԻ 15, 24News
Կինոռեժիսոր Ջիվան Ավետիսյանի «Դրախտի դարպասը» լիամետրաժ կինոնկարը, որի առանցքում արցախյան պատերազմն է՝ եվրոպացի լրագրողի աչքերով, Տորոնտոյի Pomegranate միջազգային կինոփառատոնում արժանացել է «Լավագույն խաղարկային ֆիլմ» մրցանակին։ Այդ մասին տեղեկանում ենք Ջիվան Ավետիսյանի՝ Ֆեյսբուքի պաշտոնական էջից։
Հիշեցնենք, որ ֆիլմի պրեմիերան տեղի է ունեցել 2019 թվականին Երևանում:
«Դրախտի դարպասը» Ջիվան Ավետիսյանի՝ արցախյան թեմատիկայով երրորդ լիամետրաժ ֆիլմն է և հանդիսանում է ութ երկրների՝ Հայաստանի, Լիտվայի, Գերմանիայի, Ֆրանսիայի, Բուլղարիայի, Չեխիայի, Իտալիայի, ԱՄՆ-ի համատեղ արտադրության ֆիլմ։
Ֆիլմի նկարահանումներն իրականացվել են Արցախում և Լիտվայում։ կյանքի է կոչվել Հայաստանի ազգային կինոկենտրոնի ֆինանսական աջակցությամբ: «Դրախտի դարպասը» ֆիլմին ֆինանսապես աջակցել է Հայաստանի ազգային կինոկենտրոնը։
--00—ԼՄ