«Եղեգները չխոնարհվեցին»․ Ստեփան Ալաջաջյանի գրքի շնորհանդեսը՝ Երևանի պետական համալսարանում

ԵՐԵՎԱՆ, ՀՈԿՏԵՄԲԵՐԻ 5, 24News     

      

Երևանի պետական համալսարանի բանասիրության ֆակուլտետի դահլիճում տեղի ունեցավ հայ արձակագիր, թարգմանիչ, ՀԽՍՀ մշակույթի վաստակավոր գործիչ Ստեփան Ալաջաջյանի «Եղեգները խոնարհվեցին» վեպի վերահրատարկված տարբերակի շնորհանդեսը։  

Գրքի վերահրատարակումը նախաձեռնել է Քաշաթաղի բազմազավակ ընտանիքների հիմնադրամը, որի ղեկավարն է արևելագետ, իրանագետ, պրոֆեսոր Գուրգեն Մելիքյանը։

Գրքի խմբագիր, առաջաբանի հեղինակ ԵՊՀ Հայ բանասիրության ֆակուլտետի դեկան, բանասիրական գիտությունների դոկտոր, պրոֆեսոր Արծրուն Ավագյանն իր ելույթում նշեց, որ վեպն առաջին անգամ լույս է տեսել 2 գրքով․ 1-ինը՝ 1966-ին, 2-րդը՝ 1967-ին։ «Այն էլ մի քանի տասնյակ հազար տպաքանակով՝ դառնալով այն որոնված հրապարկումներից մեկը, որի համար մարդիկ գրախանութների առջև գիշերը հերթ էին կանգնում», - ասաց նա։ 

Հայաստանի գրողների միության նախագահ Էդվարդ Միլիտոնյանը նշեց, որ վեպում խոսել է ճակատագրի դառը հարվածները կրած մարդու գրիչը։  

Գրող, գրականագետ Կարո Վարդանյանի խոսքերով, հայրենազրկման կսկիծը վերապրելու համար ընդամենը պետք է կարդալ Ստեփան Ալաջաջյան։

Շնորհանդեսին նաև ներկա է վեպի հեղինակի դուստրը՝ «Ստեփան Ալաջաջյան» հիմնադրամի տնօրեն Թերեզա Ալաջաջյանը, ով նույնպես խոսք ասաց։

Երեք գրողի շնորհվեց Ստեփան Ալաջաջյանի անվան մրցանակ։

Մանրամասները՝ տեսանյութում։

 

Սերգեյ Առաքելյան

--00—ԱՊ