Ադրբեջանցիները խոշտանգում են ինչպես ողջ մարդկանց, այնպես էլ դիերը. այս հարցով դիմելու ենք ՄԻԵԴ

ԵՐԵՎԱՆ, ՍԵՊՏԵՄԲԵՐԻ 23, 24News

Շուրջ 20 անձ գերության մեջ է գտնվում, տեղեկություններ կան նաև անհետ կորածների մասին, չի բացառվում, որ նրանք գերեվարված լինեն, դիերի հանձնման և նույնականացումից հետո վերջնական տվյալներ կլինեն: Այս մասին 24TV-ի հաղորդման ժամանակ նշեց ՄԻԵԴ-ում հայ գերիների ներկայացուցիչ Սիրանուշ Սահակյանը:

Սահակյանի խոսքով՝ հաճախ խոշտանգվում են ոչ միայն ողջ մարդիկ, այլ նաև դիերը և չեն վերադարձնում, որ կատարված հանցագործությունները չբացահայտվեն:

Ադրբեջանցիները, ինչպես 2016 թվականին, այնպես էլ 2022 թվականի սեպտեմբերի 13-ից հետո, շարունակում են կտրել զինծառայողների ականջները և գլխատել։

Անդրադառնալով հրապարակված տեսանյութերին՝ իրավապաշտպանը նշեց, որ ադրբեջանցիները հաճախ միտումնավոր հին տեսանյութեր են հրապարակում, որ շփոթմունք առաջացնեն և նվազեցնեն իրավական գործընթացներում հայկական կողմի համար տեսանյութերի ապացուցողական նշանակությունը:

Մանրամասները՝ տեսանյութում։

Հերմինե Միքայելյան

 --00—ԱՊ