ԵՐԵՎԱՆ, ՍԵՊՏԵՄԲԵՐԻ 20, 24News
Իմ համար վիճելի է, թե ո՞ւմ ավելի շատ չեմ հավատում՝ Արայիկ Հարությունյանի՞ն, թե՞ Նիկոլ Փաշինյանին, նրա ելույթը նույնն է՝ ինչ Սուտլիկ Որսկանը հաստատի Քաջ Նազարի խոսքերը: Որևէ էական քաղաքական բովանդակություն այդ հայտարարության մեջ չեմ տեսնում, անընկալելի էր միասնության կոչը, ո՞ւմ հետ միասնություն կազմենք, Փաշինյանի հե՞տ, նրան օգնեմ, որ հայրենիքը վաճառի՞: Այս մասին 24TV-ի հաղորդման ժամանակ նշեց ԱԺ «Պատիվ ունեմ» խմբակցության ղեկավար Հայկ Մամիջանյանը՝ խոսելով Արցախի նախագահ Արայիկ Հարությունյանի երեկվա ելույթի մասին:
Անդրադառնալով Նիկոլ Փաշինյանի՝ ԱԺ-ում արած հայտարարությանը՝ Հայկ Մամիջանյանը նշեց.
«Փաշինյանի ասածը երկու խոսքով հետևյալն է՝ 29800 ք/կմ-ի տերն եմ, այդ հայտարարության գիշերը իշխող խմբակի ներկայացուցիչները բնազդային վախով էին տառապում՝ արագ -արագ իրավիճակը փորձում էին շտկել:
Իսկ ինչ վերաբերվում է մեծ թվով քաղաքացիների ներկայությանը ԱԺ-ի և Կառավարության դիմաց, ապա ժողովրդի ինքնաբուխ հավաքը որոշակիորեն խախտեց իշխանության խաղաքարտերը, կարծում եմ, արտաքին դերակատարների համար որոշակի վերաշարադրումների, վերադասավորումների առիթ դարձավ»,-ավելացրեց Մամիջանյանը:
Մանրամասները՝ տեսանյութում
Հերմինե Միքայելյան
--00—ԱՊ