Ընդդիմության բոյկոտին չենք խոչընդոտել, բայց չափ կա, եթե պարտականությունները չկատարեն, կգնանք քայլերի

   ԵՐԵՎԱՆ, ՍԵՊՏԵՄԲԵՐԻ 12, 24News     

Ազգային ժողովում ճգնաժամ չկա, առանց ընդդիմության էլ աշխատում ենք, թող ընդդիմությունը որոշի, թե իր ընտրողներն ինչի համար են իրենց գործուղել խորհրդարան: Այս մասին 24News-ի հետ զրույցում նշեց «Քաղաքացիական պայմանագիր» խմբակցության պատգամավոր Լուսինե Բադալյանը՝ անդրադառնալով ընդդիմության կողմից Աժ նիստերը բոյկոտելու որոշմանը:

 Նրա խոսքով, Արցախի հետ կապված հարցերով իրենք մշտապես խորհրդակցություններ են ունենում և ընդդիմությունը, հանրահավաքները չպետք է իրենց ստիպեն, որ մտածեն խորհրդարանում Արցախի հարցի մասին:

 «Ընդդիմության փողոցային պայքարին, բոյկոտին չենք խոչընդոտել, բայց սահման կա, եթե պարտականությունները չկատարեն, հնարավոր է՝ ստիպված քայլերի գնանք: Իսկ ինչ վերաբերում է այն հայտարարություններին, որ ընդդիմությունը, եթե իմփիչմենտի գործընթաց սկսի, ապա իշխանությունից իրենց միացողներ կլինեն, ապա ես վստահ եմ, որ ՔՊ-ից չեն միանալու գործընթացին, բայց իրենց որոշումն է, եթե օրենքը թույլ է տալիս, թող գործեն, կտեսնենք ինչով կավարտվի»,- ավելացրեց նա:

Մանրամասները՝ տեսանյութում։

Հերմինե Միքայելյան

--00—ԱՊ