ԵՐԵՎԱՆ, ՕԳՈՍՏՈՍԻ 16, 24News
Հայաստանի պաշտպանության նախարար Սուրեն Պապիկյանը և ՌԴ ռազմական գերատեսչության ղեկավար, բանակի գեներալ Սերգեյ Շոյգուն երեքշաբթի միջազգային անվտանգության վերաբերյալ X մոսկովյան գագաթնաժողովում հանդիպման ժամանակ քննարկել են իրավիճակը Լեռնային Ղարաբաղում։ Այս մասին հայտնում է ՌԴ ՊՆ մամուլի ծառայությունը։
«Հանդիպման ընթացքում կողմերը քննարկել են ռազմատեխնիկական համագործակցության, ինչպես նաև Լեռնային Ղարաբաղում ՌԴ խաղաղապահ զորախմբի գործունեության հետ կապված հարցեր», - ասված է հաղորդագրությունում։ ՌԴ ՊՆ-ի փոխանցմամբ, Շոյգուն համոզմունք է հայտնել, որ տարածաշրջանում իրավիճակի կայունացման կարևորագույն հանգամանքը հրադադարի պահպանումն է։ Իր հերթին Պապիկյանը հավելել է, որ այս հանդիպումը շատ կարևոր է հայկական կողմի համար։
«Մենք բարձր ենք գնահատում հայ-ռուսական համագործակցությունը, ինչպես նաև ռուսական ներկայության նշանակությունը Հարավային Կովկասում», - ասել է ՀՀ ՊՆ նախարարը։
--00—ԻԴ