ԵՐԵՎԱՆ, ՕԳՈՍՏՈՍԻ 8, 24News
Ռուսական սահմանապահ զորքերի կողմից մոդուլային կետեր կան տեղադրված Մեղրի-Ագարակ ճանապարհին։ Այս մասին 24News-ին ասաց Մեղրիի համայնքապետ Բագրատ Զաքարյանը։
«Սահմանապահները Ժամանակ առ ժամանակ կանգնեցնում են, ստուգումներ են իրականացնում», - ասաց Մեղրիի համայնքապետը։
Ավելի վաղ Yerevan.Today կայքը լուսանկար էր հրապարակել ու գրել, որ ռուս խաղաղապահներն արդեն հսկում են Մեղրի-Ագարակ ճանապարհը և բոլոր քաղաքացիներին կանգնեցնում, ստուգում են, նոր բաց թողնում։
Զաքարյանի խոսքերով՝ մոդուլային կետերը տեղադրված են շուրջ 8 ամիս։
Անցակետը տեղադրվել է անվտանգությունից ելնելով, ՌԴ սահմանապահ ծառայության հետ է նաեւ Հայաստանի ազգային անվտանգության ծառայությունը։
Սերգեյ Առաքելյան
--00--ՏՏ