1-ին անգամ խոսքվեց Իջևանով և Նոյեմբերյանով Ադրբեջանին ճանապարհ տալու մասին․ սցենարը համաձայնեցված էր

ԵՐԵՎԱՆ, Օգոստոսի 4, 24News

29145_hrant_melik_shahnazaryan1_m.thumb_.jpg

Ադրբեջանն իր առջև դրած խնդիրները հերթական անգամ լուծեց։ Այս մասին Տելեգրամի իր էջում գրել է քաղաքագետ Հրանտ Մելիք-Շահնազարյանը։

«Տարածքային կառավարման եւ ենթակառուցվածքների նախարար Գնել Սանոսյանը հրապարակավ զեկուցեց Ալիևին, որ «Լաչինի այլընտրանքային ճանապարհի կառուցումը կավարտվի մինչև գարուն» իսկ Նիկոլն էլ, թերևս կրկին Ալիևի անունից, հանձնարարեց ՀՀ ԱԱԾ և Ոստիկանության ղեկավարներին ապահովել ադրբեջանցիների՝ ՀՀ տարածքով ելումուտը դեպի Նախիջևան։ Որտեղով ուզեն. Առաջին անգամ խոսք գնաց նաև Իջևանով ու Նոյեմբերյանով ադրբեջանցիներին ճանապարհներ տալու մասին։

Վստահ եմ՝ այս սցենարը սկզբից մինչև վերջ համաձայնեցված էր կողմերի միջև։ Պարզապես այն պետք էր այնպես կյանքի կոչել, որ դրա արդյունքում Նիկոլին ուղղված քննադատությունները մինիմալ լինեն։ Որ հանկարծ ոչ ոք իրան դավաճան չկոչի։ Դե իսկ դրա գինը վաղուց է արդեն հայտնի՝ հայ զինվորների կյանք, տարածքային կորուստներ ու զինտեխնիկայի լիկվիդացում։

Հիմա Բաքվում նստած հաջորդ խնդիրներն են մշակում։ Կանցնի որոշ ժամանակ անպայման կլսենք դրանց մասին։ Չնայած ակնարկներ արդեն կան՝ Արցախի ամբողջական զինաթափումը։ Նիկոլն էլ թեմայի մեջ է։ Ասում է՝ ռուս խաղախապահների մանդատն ու հնարավորությունները ընդլայնենք։ ՀՀ-ից զորակոչված ծառայողներին էլ շտապ հետ է վերադարձրել։ Սա է։ Պարզապես այդ սցենարը կյանքի կոչելու համար հայերից մի քիչ ավելի շատ զոհ պետք կգա։ Ու ավելի շատ կորուստներ։ Դե որ հանկարծ չասենք, թե Նիկոլը դավաճան է։ Ինքը պետք է փրկիչ մնա»,-գրել է քաղաքագետը։

--00--ԶՀ

Տեսանյութեր