Սյունիքի մարզում ԱԺ պատգամավորի եղբորորդու ողբերգական ավտովթարի փաստով հարուցվել է քրեական գործ

ԵՐԵՎԱՆ, ՀՈԻՆԻՍԻ 25, 24News

հասարակական

Հայաստանի քննչական կոմիտեի Սյունիքի մարզային քննչական վարչությունում քննիչ Մինասյանի կողմից հարուցվել է քրեական գործ՝ ՀՀ քր.օր-ի 242 հոդվածի 2-րդ մասի հատկանիշներով։ Այս մասին հայտնում է Shamshyan.com-ը։

Նշված քրգործը հարուցվել է հունիսի 23-ին, ժամը 22։40-ի սահմաններում Մեղրիի մաքսատուն-Երևան Մ2 ավտոճանապարհի 8-րդ կմ-ին տեղի ունեցած ավտովթարի փաստով։

Այդ օրը նշված վայրում Ագարակ քաղաքի բնակիչ՝ 18-ամյա Սեյրան Զաքարյանը իր վարած Toyota Hilux մակնիշի ավտոմեքենայով դուրս էր եկել երթևեկելի գոտուց, բախվել բետոնե արգելապատնեշին և կողաշրջվել։ Վթարի հետևանքով Ս. Զաքարյանը տեղում մահացել էր, իսկ ուղևորներ՝ Ագարակ քաղաքի բնակիչներ՝ 19-ամյա Վարդան Վարդանյանն ու 16-ամյա Ռոբերտ Ստեփանյանը մարմնական վնասվածքներով տեղափոխվել էին Մեղրու բժշկական կենտրոն։

Աղբյուրի տեղեկություններով՝ մահացածը ԱԺ «Հայաստան» խմբակցության պատգամավոր Մխիթար Զաքարյանի եղբոր որդին էր։  

Տեսանյութեր