Հանրապետությունում ջերմաստիճանը կնվազի 0-ից -1 աստիճան․ լեռնային շրջաններում սպասվում է թաց ձյուն

ԵՐԵՎԱՆ, ՄԱՅԻՍԻ 24, 24News

1084026.jpg

Սկանդինավիայի շրջաններից ցուրտ մթնոլորտային ճակատի ներխուժմամբ պայմանավորված` մայիսի 24-ի երեկոյան ժամերին և 24-ի լույս 25-ի գիշերը հանրապետության առանձին լեռնային շրջաններում սպասվում է թաց ձյուն:

ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը տեղեկացնում է, որ օդի օդի ջերմաստիճանը կնվազի՝ օդում մինչև 0-ից -1 աստիճան ցրտի սահմաններում։

Երևանում մայիսի 24-ի ցերեկը, մայիսի 25-ի գիշերը ժամանակ առ ժամանակ սպասվում է անձրև և ամպրոպ, ամպրոպի ժամանակ քամու ուժգնացում՝ 15-18մ/վ: Մայիսի 25-ի ցերեկը, 26-29-ը սպասվում է առանց տեղումների եղանակ: Մարզերում մայիսի 24-ի ցերեկը, մայիսի 25-ի գիշերը ժամանակ առ ժամանակ շրջանների զգալի մասում, 25-ի ցերեկն առանձին շրջաններում սպասվում է անձրև և ամպրոպ: Առանձին հատվածներում հնարավոր է նաև կարկուտ: Մայիսի 26-29-ը սպասվում է առանց տեղումների եղանակ: Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 15-20մ/վ արագությամբ: Արցախում այսօր և վաղը սպասվում է անձրև և ամպրոպ։

--00--ՀԶ             

 

 

Տեսանյութեր