ԵՐԵՎԱՆ, ՄԱՐՏԻ 15, 24News
Եվրամիությունը պատժամիջոցներ է սահմանել ռուսական «Ռոսնեֆտ», «Տրանսնեֆտ» և «Գազպրոմնեֆտ» նավթային ընկերությունների դեմ, «Արմենպրես»-ի հաղորդմամբ՝ հայտնում է «Russia Today»-ի Տելեգրամ ալիքը:
Ուկրաինայում ռուսական ռազմական գործողությունների սկսվելուց հետո Եվրոպական միությունը, Միացյալ Նահանգները, Կանադան և այլ պետություններ լայնածավալ պատժամիջոցային քաղաքականություն են սկսել Ռուսաստանի Դաշնության դեմ: Շուրջ 250 արտասահմանյան առաջատար ընկերություններ հայտարարել են Ռուսաստանի Դաշնության տարածքում իրենց աշխատանքը սահմանափակելու կամ դադարեցնելու մասին: Միացյալ Նահանգները նաև հրաժարվել է ռուսական նավթի և գազի ներկրումից: Ռուսական ածխաջրածնային ռեսուրսների գնումից հրաժարվել են նաև արևմտյան մի քանի նավթագազային խոշոր ընկերություններ, այդ թվում՝ բրիտանա-հոլանդական «Ռոյալ Դատչ Շել»-ը:
-00--ԱՀ