ԵՐԵՎԱՆ, ՀՈՒՆՎԱՐԻ 26, 24 News
Նախորդ շաբաթվա ընթացքում աշխարհում կորոնավիրուսով վարակման դեպքերն աճել են հինգ, մահացությունը՝ մեկ տոկոսով։ Այս մասին հայտնել է Առողջապահության համաշխարհային կազմակերպությունը (ԱՀԿ)։
«Նախորդ շաբաթ նոր դեպքերի ընդհանուր թիվը կազմել է ավելի քան 21 միլիոն, ինչը 5 տոկոսով ավելի է նախորդ շաբաթվա համեմատ», - ասվում է ԱՀԿ-ի ամենշաբաթյա համաճարակային տեղեկագրում:
Յոթ օրվա ընթացքում ամբողջ աշխարհից բժիշկները հայտնաբերել են 21 362 288 վարակման նոր դեպք։ Գրանցվել է 49,890 մահվան դեպք:
Համավարակի սկզբից վարակվածների ընդհանուր թիվը կազմել է 352 796 704 մարդ, իսկ COVID-19-ի հետևանքներից մահացել է 5 600 434 հիվանդ։
--00—ՄՀ